ሚኒስተር ውሽጣዊ ጉዳያት ጀርመን ኣለክሳንደር ዶብሪንድት (Alexander Dobrindt - CSU)፡ ነቲ ናይ ስደተኛታት መዝገብ ቤት ጽሕፈት (BAMF) ኣብዚ ቀረባ እዋን ንሶርያውያን ዝተሃበ ናይ ዑቕባ ፍቓድ (Schutzstatus) ብሰፊሑ ክስርዞ መምርሒ ክህብ ምኻኑ ተገሊጹ ኣሎ።
🔹 1. እቲ መስርሕ ብመን ይጅምር?
-
ናይ CDU/CSU ውሽጣዊ ፖሊሲ ኣፈኛ ኣለክሳንደር ትሮም (Alexander Throm) ከም ዝገለጾ፡ እቲ ናይ ምቁራጽ መስርሕ ብበይኖም ዝመጹ፡ ስራሕ ዘይሰርሑን ካብ መንግስቲ ናይ ደገፍ ገንዘብ (Grundsicherung/Bürgergeld) ዝቕበሉን መንእሰያት ክጅምር እዩ።
-
ከም ሓካይምን ነርሳትን (Pfleger) ዝኣመሰሉ ኣብ ስራሕ ዘለዉ ሶርያውያን ግን ናብ ናይ ስራሕ ፍቓድ (Arbeitsaufenthaltstitel) ናይ ምቕያር ዕድል ክህልዎም እዩ።
🔹 2. ናይ ብፍቓዶም ዝምለሱ ስደተኛታት ናይ ገንዘብ ደገፍ (Rückkehr-Prämien)፦
-
መንግስቲ ጀርመን ስደተኛታት ብፍቓዶም ናብ ሶርያ ክምለሱ ንምብርታዕ፡ ዝወሃብ ናይ ምምላስ ገንዘብ (Prämie) ክውስኽ እዩ።
-
"ነፍሲ ወከፍ ብፍቓዱ ዝምለስ ስደተኛ ካብቲ ብሓይሊ ዝስጎጉ (Abschiebung) ዝሓሰረ እዩ" ብምባል እቲ ፖሊቲከኛ ገሊጹ። ሕጂ ዝወሃብ ዘሎ ደገፍ ንሓደ ሰብ 1,000 ዩሮ (Euro) እዩ።
🔹 3. ስደተኛታትን ዘሎ ኩነታትን፦
-
ካብቶም ኣብ ጀርመን ዘለዉ ልዕሊ 900,000 ሶርያውያን፡ እቶም 450,000 ዝኾኑ ካብ መንግስቲ ናይ መነባበሪ ደገፍ (Grundsicherung) ይወሃቦም ኣሎ።
-
ኣብ ሶርያ ብ ታሕሳስ 2024 እቲ ናይ በሻር ኣል-ኣሳድ (Assad) ስርዓት ካብ ስልጣን ምስ ወደቐ እቲ ናይ ውሽጢ ሃገር ውግእ ደው ስለ ዝበለ፡ BAMF ነቲ ናይ ዑቕባ ኩነታት ክምርምሮ ጅምሩ ኣሎ።
-
CDU ን SPD ን ኣብ ናይ ልፍንቲ ውዕሎም (Koalition)፡ ገበነኛታትን ንድሕነት ሃገር ዘስግኡን (Straftäter und Gefährder) ናብ ኣፍጋኒስታንን ሶርያን ምምላስ ከም ዝጅምሩ ተስማሚዕም እዮም።
Kommentar hinzufügen
Kommentare