Deutschepass ንምውሳድ ክሳብ ቤት ፍርዲ ትቓለስ ዘላ ኤርትራውያን ስድራቤት

ኣብ ከተማ ፕሌተንበርግ (Plettenberg) ዚነብር ሓደ ኤርትራዊ ኣቦ ምስ ክልተ ደቑ፡ ኩሉ እቲ ዘድሊ ቅድመ-ኩነታት ኣማሊኦም ክንሶም፡ ናይ ኤርትራ ፓስፖርት ብዘይምቕራቦም ጥራይ Märkischer Kreis ነቲ ናይ ዜግነት (Einbürgerung) ሕቶኦም ነጺግዎ። እዛ ስድራቤት እዚኣ ሕጂ ነቲ ውሳኔ ብሕጊ ንምቅዋም ናብ ቤት ፍርዲ ምምሕዳር ኣርንስበርግ (Verwaltungsgericht Arnsberg) ኣምሪሖም።

ኣብ መጋቢት 2023 ሕቶ ዜግነት ጀርመን ኣቕሪቦም እካ እንተ ነበሩ ክቕበልዎም ግን ኣይክኣሉን፣  ጠበቕኡ ኣዝዩ ብሉጽ ብዝኾነ መገዲ  ሕጂ ነቲ ቤት ጽሕፈት ተቓዊሙ ብሕጊ ኣቢሉ ናይ ጀርመን ፓስፖርት ንምርካብ ይቓለስ ኣሎ።

ናይ ዜግነት ረቛሒታት ኣዝዮም ፍሉጣት እዮም። ናይ ጀርመን ዜግነት ክህልዎ ዝደሊ ሰብ፡ እንተወሓደ ንሓሙሽተ ዓመታት ኣብ ጀርመን ክነብር፣ ውሱን ዘይኮነ ናይ መንበሪ መሰረት ክህልዎ፣ ብሉጽ ጀርመናዊ ቋንቋ ክዛረብ ከምኡውን ንርእሱን ንስድራቤቱን ዝኸውን መነባብሮ ከርክብ ኣለዎ። ኣብ ሓደ ሰዓት ድማ ነቲ ናይ ፌዴራላዊ ሪፓብሊክ ጀርመን ናጻ-ዲሞክራሲያዊ መሰረታዊ ስርዓትን፡ እቲ ኣብ ርእሲ እዚ ዘሎ ናይ ዜግነት መርመራ (Einbürgerungstest) ብግቡእ ክሓልፎ ኣለዎ። ብተወሳኺ ድማ ብገበን ተፈሪዱ ክርከብ የብሉን።

እቲ ኣቦን ክልተ ደቑን ነዞም ኩሎም ረቛሒታት ኣማሊኦም እዮም፣ ግና ናይ ጀርመን ዜግነት ንምርካብ እዚ ጥራይ እኹል ኣይኮነን። ኣብ 2014 እቲ ኣቦ ካብ ኤርትራ ምስ ሓደ ውሉዱ ናብ ጀርመን ኣትዩ ሓለዋ (Asyl) ረኺቡ። እቲ ካልኣይ ውላዱ ድማ ድሮ ኣብ ጀርመን ተወሊዱ። እቲ ኣቦ ስራሕ ኣለዎ፣ ብሉጽ ናይ ጀርመን ቋንቋ ይዛረብ፣ ከምኡውን ነዚ ዓዲ ተላቢስዎ ኢዩ። እቶም ደቑ ድማ ኣብ ጀርመን እዮም ዓቢዮም።  እቲ ኣቦ ናብ ጀርመን ክኣቱ ከሎ ዘይነበሮ ነገር፡ ናይ ኤርትራ ፓስፖርት ጥራይ እዩ ነይሩ። ከም መግለጺ ተዛራቢት ቤት ፍርዲ ስቲፈን ሹልተ፡ እቲ ኣቦ ደቑን ኣብቲ ናይ ዜግነት መስርሕ እውን መለለዪ ሰነዳት ኣይቐረቡን። ብሰንኪ እቲ ዝጎደለ መለለዪ ሰነዳት ድማ መርካዊ ክራይስ ነቲ ዘቕረብዎ ሕቶ ነጺግዎ።

ዝተነጽጉ ኣዝዮም ውሑዳት እዮም። ካብቶም ኣብ መንጎ 2023 ክሳብ 2025 ዝነበሩ 2267 ናይ ዜግነት ሕቶታት 59 ጥራይ እዮም Märkischer Kreis ኣሉታዊ ምላሽ ረኺቦም። እዚ ከኣ ዳርጋ 2.6 ሚእታዊት ጥራይ እዩ። 

ተዛራቢ ቤት ፍርዲ ሹልተ እቲ ስድራቤት ብሕጋዊ መገዲ ኣቢሉ ነቲ ናይ ኤርትራ ፓስፖርት ንምእርካብ ከቢድን ዘይከኣልን ምዃኑ ተመልክት። ንኣብነት ካብ ኤምባሲ ብዝወጽእ ሕጊ፡ "ናይ ግጉይ ጉዕዞ (Reueerklärung) ክታመት ከም ዘለዎ፡ ብምባል ንርእሶም ዘይሕጋዊ ምውጻእ ከም ገበን ወሲዶም መቕጻዕቲ ክቕበሉ ይግደዱ"። በዚ ምኽንያት እዚ ድማ ናብ ኤርትራ ብሰላም ምምላስ ኣይክአልን እዩ።

ብተወሳኺ ኤምባስታትን ቆንስላትን ንስደተኛታት ዜጋታት ዝምልከት ሕቶታት ፓስፖርት 2% ናይ ዓመታዊ ናይ ኣታዊ ግብሪ (Diaspora-Steuer) ንመንግስቲ እንተ ተኸፊሉ ጥራይ ከም ዝሰርሕ ዝርዝር ሓበሬታታት ኣለዉ። እቲ ናይ ሰብኣዊ መሰል ኩነታት ኣብ ኤርትራ ኣዝዩ ዝመረረ ምኻኑ ገሊጻ።

ቀንዲ ነጥብታት እቲ ጸገም:

• ኩነታት ስድራቤት: እቲ ኣቦ ካብ 2014 ጀሚሩ ናብ ጀርመን ብምእታው ሓለዋ (Asyl) ረኺቡ እዩ። ስራሕ ዘለዎ፣ ብሉጽ ናይ ጀርመን ቋንቋ ዝዛረብን፣ ደቑ ድማ ኣብ ጀርመን ዝዓበዩን ብሉጻት  ምኻኖም ይፍለጡ።

• ምኽንያት ምንጻግ (Ablehnung): እቲ ከባብታዊ ቤት ጽሕፈት (Märkischer Kreis)፡ መለለዪ ሰነዳት ወይ ፓስፖርት ኤርትራ ብዘይምቕራቦም ጥራይ ነቲ ሕቶ ነጺግዎ። ካብቶም ኣብቶም ዝሓለፉ ዓመታት ዝቐረቡ ኣሽሓት ሕቶታት ውሑዳት (2.6%) ጥራይ እዮም ብምኽንያት መንነት ዝንጸጉ።

• ጸገም ፓስፖርት ኤርትራ: ካብ ኤርትራ ፓስፖርት ንምርካብ ወይ ንምሕዳስ ኣዝዩ ኣጸጋሚ ምዃኑ ይፍለጥ። ኤርትራውያን ኣብ ኤምባሲ፡ “ናይ ጣዕሳ” (Reueerklärung) ክታመት ንኽገብሩን ናይ 2% ዲያስፖራ ግብሪ ክኸፍሉን ስለ ዝግደዱ፡ እቲ ሕጊ ነቲ ፓስፖርት ምእካብ ንተቐማጦ ወጻኢ ኣዝዩ ኣጸጋሚ ይገብሮ።

• እቲ ናይ ኣርንስበርግ ምምሕዳር ቤት ፍርዲ (Verwaltungsgericht Arnsberg) ን ረቡዕ 23 መስከረም ካብ ሰዓት 10 ንግሆ ጀሚሩ ኣብ ልዕሊ እታ ናይ ፕሌተንበርግ ስድራቤት ዝቐረበ ክስታ ክርኢ እዩ። እቲ ኣኼባ ህዝባዊ እዩ። ቁጽሪ ፋይል (Aktenzeichen): 1 K 4012/25።